Aqtaýda jaryq shamynyń baǵanynan toq soqqan 8 jasar bala kóz jumdy

AQTAÝ. QazAqparat – Oqıǵa 23 maýsym kúni Aqtaýda boldy. 8 jasar bala toq soǵyp mert boldy. Bul týraly Mańǵystaý oblystyq Polıtsııa departamentinen málim boldy, dep habarlaıdy QazAqparat Lada.kz saıtyna silteme jasap.

Qaıǵyly oqıǵa 23 maýsym kúni saǵat 22:00-der shamasynda №7 mektep-lıtseıi men «Tolqyn» bazarynyń mańynda boldy.

«Oqý ornynyń qorshaýynyń mańyna jaryq shamy ornatylǵan. Kýágerlerdiń aıtýynsha, bala osy shamnyń baǵanyn ustaǵan kezde ony toq urǵan. Oqıǵanyń naqty qalaı bolǵanyn anyqtaý úshin oqıǵa ornynda jedel tergeý toby jumys istep jatyr»,-dep habarlady Mańǵystaý oblystyq polıtsııa departamentinen.