Aqtaýda jaraqat alǵan áskerı qyzmetshiniń jaǵdaıy aýyr
ASTANA. KAZINFORM — Mańǵystaý oblysy Aqtaý qalasynda áskerı oqý-jattyǵý kezinde jaralanǵan áskerı qyzmetshige qajetti kómek kórsetilip jatyr, dep habarlaıdy oblystyq densaýlyq saqtaý basqarmasynyń baspasóz qyzmeti.
Vedomstvonyń málimetinshe, zardap shekken áskerı qyzmetshilerdiń biri Mańǵystaý oblystyq kópbeıindi aýrýhanasyna jetkizildi. Qazirgi ýaqytta naýqas dárigerlerdiń turaqty baqylaýynda.
— Oǵan barlyq qajetti medıtsınalyq kómek tolyq kólemde kórsetilip jatyr. Áskerı qyzmetshiniń qazirgi jaǵdaıy turaqty aýyr dep baǵalanyp otyr. Mamandar qajetti emdeý sharalaryn jalǵastyryp, naýqastyń densaýlyq jaǵdaıyn turaqty baqylaýda ustap otyr. Jaǵdaı Mańǵystaý oblysynyń densaýlyq saqtaý basqarmasynyń baqylaýynda, — delingen habarlamada.
Eske salaıyq, 2026 jylǵy 24 qyrkúıekte Kaspııdegi áskerı oqý-jattyǵý kezinde 9 áskerı qyzmetshi qaza tapqanyn habarlaǵanbyz. Úsh áskerı qyzmetshi qutqaryldy. Olardyń bireýi aýrýhanaǵa jatqyzyldy. Qalǵandaryn izdeý jumystary jalǵasyp jatyr.
Keıinirek áskerı qyzmetshilerdiń qaza bolý faktisi boıynsha qylmystyq is qozǵalyp, tergelip jatqanyn jazdyq.
Mańǵystaý oblysynda áskerı qyzmetshilerdiń qaza bolý sebepterin tergep-tekserý jónindegi úkimettik komıssııa quryldy.
Komıssııa quramyna qorǵanys mınıstri, Mańǵystaý oblysynyń ákimi, Eńbek jáne halyqty áleýmettik qorǵaý, Tótenshe jaǵdaılar, Densaýlyq saqtaý, Kólik mınıstrlikteriniń basshylyǵy, Bas áskerı prokýror, sondaı-aq shekara qyzmetiniń ókilderi kirdi.
Sonymen qatar, Prezıdent Qasym-Jomart Toqaev Mańǵystaý oblysynda áskerı oqý-jattyǵý kezindegi qaıǵyly oqıǵa saldarynan qaza tapqan áskerı qyzmetshilerdiń týǵan-týystaryna kóńil aıtty.
Áskerılerdiń qazasynan keıin Aqtaýda úsh kúnge josparlanǵan merekelik sharalar ótpeıtin boldy.
