Aqtaýda jańajyldyq shyrshalardy ornatýǵa 37 mln teńge bólindi

AQTAÝ. QazAqparat - Aqtaýda jańajyldyq shyrshalardy ornatýǵa jáne bezendirýge bıýdjetten 37 mln teńge bólindi. Bul týraly búgin Aqtaý qalalyq turǵyn úı-kommýnaldyq sharýashylyǵy bóliminiń basshysy Qaırat Aqybaev baspasóz máslıhatynda aıtty, dep habarlaıdy QazAqparat tilshisi.

«Bul somaǵa bári kiredi. Atap aıtqanda, shyrshany satyp alý, ony bezendirý, iletin oıynshyqtary bar. Byltyrdan qalǵandaryn da qoldanamyz. Ótken jyly bıýdjetten tys 7 mıllıon teńgege gırlıandalar satyp alǵan edik. Bul jabdyqtyń 70 paıyzdan astamy saqtalǵan, ıaǵnı olar da paıdaǵa asady», -deıdi Qaırat Aqybaev.

Jalpy, jańajyldyq shyrshalar qalanyń úsh jerine ornatylady. Olar 4-shaǵynaýdandaǵy qala ákimdiginiń alańy, 15-shaǵynaýdandaǵy teńiz jaǵalaýy jáne 34-shaǵynaýdandaǵy «Dostyq úıiniń» aldy. Memlekettik satyp alý konkýrsyn bıyl «Kerýen Farab saýda» jaýapkershiligi shekteýli seriktestigi utyp alǵan. Kompanııa barlyq jumysty 21 mıllıon teńgege jasap berýdi josparlaýda.