Aqtaýda jańajyldyq otshashýdan 3 adam zardap shekti
AQTAÝ. QazAqparat - Bıyl Aqtaýda merekelik otshashýdan 3 adam jaraqattanǵan, dep xabarlaıdy QazAqparat tilshisi.
Bul týraly Mańǵystaý oblysynyń óńirlik kommýnıkatsııalar qyzmetinde ótken brıfıngte dárigerler málimdedi.
«Mereke kúnderi oblystyq aýrýhanaǵa «petardadan» jaraqattanǵan 3 adam túsken. Biri - qolyn, ekeýi betin kúıdirip alǵan. Alǵashqy kómek kórsetilgen soń zardap shekkender úılerine jiberildi. Al, ótken jyly otshashýdan jaraqattanǵandar sany 13-ke jetken bolatyn. Jalpy, aımaqta mereke kúnderi tynysh ótti. Bir de bir tótenshe oqıǵa tirkelgen joq»,-dedi Mańǵystaý oblystyq aýrýhanasynyń qabyldaý bóliminiń meńgerýshisi Aıtqalı Shalabaev.
Osylaısha, jańajyldyq otshashýdan zardap shekkender sany ótken jylǵa qaraǵanda 4 ese azaıǵan.
