Aqtaýda janarmaı quıý beketin tonaǵan kúdikti ustaldy

ASTANA. KAZINFORM — Túnde janarmaı quıý beketinde belgisiz er adam kassırge pyshaq kórsetip, qorqytyp, aqsha talap etken, dep habarlaıdy ІІM baspasóz qyzmeti.

Vedomstvo málim etkendeı, qolma-qol qarajatty ıemdengennen keıin oqıǵa ornynan boı tasalaǵan. 

— Atalǵan derek boıynsha sotqa deıingi tergep-tekserý bastaldy. Quqyq qorǵaý organdarynyń kásibı jáne jedel áreketteriniń nátıjesinde kúdikti bir saǵat ishinde qolǵa túsip, ýaqytsha ustaý ızolıatoryna qamaldy. Tergeý barysynda ol óz kinásin tolyq moıyndady, — delingen habarlamada.

Budan buryn Mańǵystaý oblysynda turǵyndardyń WhatsApp chattarynda bilim berý mekemelerine jasalatyn shabýyl týraly qorqytý sózder jazylǵan habarlamalar taratylyp jatqany anyqtaldy.