Aqtaýda jańa jyldyq bezendirýge qarjy bólinbeıdi

AQTAÝ. QazAqparat - Aqtaýda qalany jańa jyldyq bezendirýge qarjy bólinbeıdi. Bul týraly Aqtaý qalasy ákiminiń orynbasary Serik Gýsman málim etti, dep habarlaıdy QazAqparat tilshisi.

Budan bólek, ákimdik kásipkerlerge óz nysandaryna merekelik bezendirý jasaý týraly usynys bildiredi.

«Bıyl jańa jyldy toılaýǵa baıqaý bolmaıdy, qarajat bólinbeıdi. Qala jańa jyl merekesi qarsańynda oıynshyqtar men áshekeılerdiń eski qorlarynan bezendiriledi. Bizde jańa shyrshalar bar, bárin ilip qoıamyz. Ákimdiktik kásipkerlerge óz nysandaryn merekelik bezendirý týraly usynys hat joldaıdy», - dedi qala basshysynyń orynbasary.

Serik Gýsmannyń aıtýynsha, eki jasandy shyrsha oblys ortalyǵynda, taǵy bireýi Ómirzaqta ornatylmaq.