Aqtaýda jańajyldyq otshashýǵa 3 mln teńge qarastyrylǵan
Aqtaýda bıyl jańa jyl keshinde merekelik kontsert ótpeıtin boldy. Onyń oryna LED-ekran ornatylyp, quny 3 mıllıon teńge kólemindegi otshashý uıymdastyrylady, dep habarlaıdy Kazinform.
Oblys ortalyǵyndaǵy Abaı atyndaǵy mádenı-demalys kesheniniń basshysy merekege oraıy eshqandaı jańa jyldyq kesh ótkizilmeıtinin jetkizdi. Degenmen 31 jeltoqsan kúni 15 shaǵynaýdandaǵy amfıteatr alańyna qala turǵyndary úshin LED-ekrannan merekelik kontsert kórsetiledi.
Al túngi saǵat 00:00-de otshashý josparlanyp otyr.
«Bıyl jańa jyldyq otshashýǵa 3 mln teńge qarajat bólindi. Óńirde aýa raıynyń salqyn bolýyna baılanysty syrqattanǵan balalar sany óte kóp. Osy oraıda kontsert uıymdastyrmaý týraly sheshim qabyldandy. LED ekrannan respýblıkalyq arnalardaǵy merekelik baǵdarlamalar kórsetilip, Prezıdent quttyqtaýy beriledi. Jergilikti ýaqyt boıynsha oblys ákimi mańǵystaýlyqtardy quttyqtaǵan soń otshashý bastalady», - dedi Abaı atyndaǵy mádenı-demalys kesheniniń dırektory Ámirhan Qulbaev.
Aıta keteıik, Aqtaýda jańa jyldyq kontsert uıymdastyrylmaǵanyna bıyl tórtinshi jyl boldy
