Aqtaýda jańa medıtsınalyq ortalyq ashyldy
MAŃǴYSTAÝ. QazAqparat - Búgin Aqtaý qalasynyń Shyǵys-2 shaǵyn aýdanynda «SAFIIA» jańa medıtsınalyq ortalyǵy ashyldy, dep habarlaıdy QazAqparat Mańǵystaý oblysy ákimdiginiń baspasóz qyzmetine silteme jasap.
Atalǵan ortalyq kúnine 300-den astam adamǵa qyzmet kórsetýge qaýqarly. Sondaı-aq 30 myńǵa jýyq, Aqtaý qalasynyń Shyǵys-1,2,3 shaǵyn aýdandarynyń jáne 31,32,34,35 shaǵyn aýdandarynyń oǵan qosa Munaıly aýdanynyń Basqudyq aýylynyń turǵyndaryna qyzmet kórsetý múmkindigi bar.
Oblys ákimi óz sózinde: «Sizderdi jańa medıtsınalyq ortalyqtyń ashylýymen quttyqtaımyn, bul ortalyqtyń ashylýy jaqyn ornalasqan shaǵyn aýdandardyń turǵyndaryna sapaly medıtsınalyq kómek kórsetýge jáne qalanyń memlekettik emhanalaryndaǵy jalpy praktıka dárigerlerine júktemeni tómendetýge múmkindik beredi»,-dep atap ótti.
