Aqtaýda jalǵan bomba tastap, jurttyń úreıin ushyrǵandar izdestirilip jatyr
AQTAÝ. QazAqparat - Jýyrda áleýmettik jelide Aqtaý kóshelerinde qara sómke tastap, jurtty shoshytqan jigitter týraly vıdeo jarııalanǵan edi. Endi osy oıyndy uıymdastyrǵandar izdestirilip jatyr, dep habarlaıdy QazAqparat tilshisi oblystyq ІІD silteme jasap.
Beınetaspada arab kıimin kıgen jigitter aıaldamada, dúkende qara sómkeni tastap, qasha jónelgeni túsirilgen. Kúdikti sómkeden qoryqqan turǵyndar jantalasa qashýda. Qazir quqyq qorǵaý qyzmetkerleri rolıkti túsirgenderdi izdep jatyr.
«Instagram jelisinde jarııalanǵan rolık ıelerine izdeý jarııaladyq. Olar QR Ákimshilik quqyq buzýshylyq týraly kodeksinde kózdelgen ákimshilik quqyq buzýshylyqtyń normalaryn buzǵan»,-dep habarlady Mańǵystaý oblystyq ІІD baspasóz qyzmeti.
