Aqtaýda Jaqsylyq Úshkempirovtiń júldesine arnalǵan halyqaralyq týrnır ótedi
ASTANA. QazAqparat - 4-6 mamyr aralyǵynda Aqtaý qalasynda Máskeý Olımpıadasynyń chempıony Jaqsylyq Úshkempirovtiń júldesi úshin grek-rım kúresinen halyqaralyq týrnır ótedi, dep habarlaıdy QazAqparat tilshisi.
Jyl saıyn dástúrli túrde uıymdastyrylyp kele jatqan týrnır jastar arasynda ótedi. Dodada baǵy men baby qatar shaýyp top jarǵan balýandarǵa aldaǵy ýaqytta álemdik arenda óner kórsetýge múmkindik týady.
Esterińizge sala keteıik, ótken jyly bul týrnır Almaty qalasynda ótken bolatyn.
Máskeý Olımpıadasynyń chempıony Jaqsylyq Úshkempirov 1951 jyly 6 maýsymda Qazaq KSR-daǵy Jambyl oblysy, Sverdlov aýdanynyń «Chapaev» aýylynda dúnıege kelgen. Ol Keńes Odaǵynyń klassıkalyq stıldegi kúres palýany, QSRO-nyń eńbek sińirgen sport sheberi, Qazaq KSR eńbek sińirgen jattyqtyrýshysy, Qazaq KSR-nyń erkin kúres boıynsha jeńimpazy. Sonymen birge, Álem chempıony (1981), Álem kýbogynyń kúmis júldegeri (1980), Keńes Odaǵynyń eki dúrkin jeńimpazy (1975, 1980), KSRO birinshiliginiń eki dúrkin jeńimpazy (1975, 1980).
