Aqtaýda jaǵadan 150 metr jerde sýǵa batyp bara jatqan jasóspirim qutqaryldy
AQTAÝ. QazAqparat - Aqtaý qalasyndaǵy 1 móltekaýdannyń jaǵalaýynan sýǵa batyp bara jatqan jasóspirimdi qutqaryldy, dep habarlaıdy «QazAqparat» HAA tilshisi.
Oqıǵa búgin boldy. Beıneý aýdanynyń 17 jastaǵy turǵyny sýǵa túsýge arnalmaǵan jerde shomylǵan. Ol jaǵalaýdan 150 metr qashyqtyqta shomylyp júrip, sýǵa bata bastaǵan. «Mańǵystaý oblystyq tótenshe jaǵdaılar departamenti jedel-qutqarý jasaǵynyń qutqarýshylary Hamıt Asqar, Ermek Aıdarbekov, Tórebek Quljabaev sýǵa aǵyp bara jatqan 2000 jylǵy Beıneý aýdanynyń turǵynyn qutqaryp qaldy. Oǵan medıtsınalyq kómek kórsetildi, zardap shegýshi úıine jiberildi», - dep túsindirdi oqıǵany tótenshe jaǵdaılar departamenti baspasóz qyzmetiniń ókili Gúlnár Qojabekova.
Sondaı-aq, ol sýǵa túsý maýsymy bastalǵaly beri qutqarýshylardyń kún saıyn qaladaǵy jaǵajaılyq aımaqtarda kezekshilik etkenderin eske saldy.
