Aqtaýda zańsyz jumys istep kelgen býkmekerlik keńseler jabyldy
AQTAÝ. QazAqparat - Mańǵystaý oblysynda barlyq zańsyz býkmekerlik keńseler men oıyn zaldary jabyldy. Byltyr reıd barysynda barlyǵy osyndaı 17 zańsyz oryn anyqtalǵan bolatyn, dep habarlaıdy QazAqparat tilshisi.
Jalpy, reıd barysynda 17 zańsyz jumys istep kelgen keńseniń ishinde oıyn avtomattary men onlaın-kazıno bar ekeni anyqtalǵan. Ieleriniń tıisti qujattary joq. Memleketke salyq tólemeı, mıllondap qaryzdanǵan.
MO ІІD baspasóz qyzmetiniń habarlaýynsha, atalǵan derek boıynsha qylmystyq is qozǵalǵan. Aqparat kirister departamentine joldanǵan. Aıta ketý kerek, óńirde zańǵa sáıkes, tek 20 býkmekerlik keńse ǵana tirkelip otyr.
«Bıylǵa arnaıy uıymdastyrylǵan shuǵyl izdestirý sharalary kezinde oblys boıynsha 247 oıyn kompıýteri men avtomattary, 70 monıtor jáne 1 768 000 teńge jáne 8 kassalyq aparat tárkilendi. Qazirgi tańda zańsyz jumys istep turǵan birde-bir býkmekerlik keńse nemese oıyn zaldary joq. Bárin jaýyp, múlikterin tárkiledik»,-deıdi MO ІІD Memlekettik til jáne aqparat bólimi basshysynyń mindetin atqarýshy Áıgerim Ibatýllaeva.
