Aqtaýda zańsyz jumys istegen 2 býkmekerlik keńse anyqtaldy
AQTAÝ. QazAqparat - Aqtaý qalalyq Polıtsııa basqarmasynyń qyzmetkerleri qalada zańsyz jumys istep turǵan býkmekerlik ortalyqtardy anyqtady. Qazir olardyń múlki tárkilenip jatyr, dep xabarlaıdy QazAqparat tilshisi.
Aqtaý qalalyq Polıtsııa basqarmasynyń qyzmetkerleri reıd júrgizdi. Nátıjesinde, aldymen 7-shaǵyn aýdanda zańsyz býkmekerlik ortalyǵy anyqtaldy. Dúken ishinen 22 kompıýter jáne 2 kassalyq apparat tárkilendi.
Atalǵan derek boıynsha QR QK-niń 307-babynyń 1-bóligimen sotqa deıingi tergep tekserýdiń birińǵaı tizilimine tirkelip, qylmystyq is qozǵaldy.
Sondaı-aq, 5-shaǵyn aýdanda ornalasqan shaǵyn markettiń biriniń jer tólesinde zańsyz jumys istegen býkmeker keńse ortalyǵy anyqtaldy. Zańsyz bás tigetin jerden 21 kompıýter, 2 kassalyq apparat, 4 teledıdar jáne 2 oıyn termınaly tárkilendi. 
Atalǵan derek QR QK-niń 307-babynyń 1-bóligi boıynsha sotqa deıingi tergep tekserýdiń birińǵaı tizilimine tirkelip, qylmystyq is qozǵaldy.
