Aqtaýda zańsyz zergerlik buıymdar alyp bara jatqan ózbekstandyq ustaldy
ASTANA. QazAqparat - Demalys kúnderi qazaqstandyq shekarashylar «Aqtaý» áýejaıyndaǵy bekette zańsyz zergerlik buıym tasymalynyń jolyn kesti, dep habarlaıdy QazAqparat QR UQK Shekara qyzmetine silteme jasap.
Shekara jasaǵy «Ystanbul-Aqtaý» reısinde 24 jastaǵy Ózbekstan azamatshasyn zergerlik buıymdarmen ustady. Odan deklaratsııada kórsetilmegen syrǵa, júzik, alqa jáne qol saǵaty sekildi 30 túrli buıym tabyldy. Zańsyz buıym qol júgin tekserý kezinde anyqtaldy.
Bul týraly Mańǵystaý oblysynyń quqyq qorǵaý organdaryna habar berildi.
Sondaı-aq, áýejaıda «Almaty-Beıjiń» reısiniń jolaýshysy 61 jastaǵy qazaqstandyq azamatshadan deklaratsııada kórsetilmegen 10 myń dollar, 3 125 ıýan jáne 50 myń teńge anyqtaldy.
