Aqtaýda zańsyz saýda dúńgirshekteri alynyp tastaldy
AQTAÝ. QazAqparat - Aqtaýda kóterme bazarlardyń aýmaǵynda zańsyz saýdamen aınalysqan dúńgirshikter alynyp tastaldy, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.
Jyl basynda oblys ákimi Eraly Toǵjanovtyń jergilikti bıýdjet túsimderin ulǵaıtý jáne qosymsha kiris kózderin anyqtaý týraly tapsyrmasyna sáıkes, qala aýmaǵynda belgilengen oryndardan tys jerlerde retsiz saýda jáne zańsyz dúńgirshekter men saýda oryndaryn boldyrmaý maqsatynda arnaıy jumys toby qurylǵan bolatyn.
Mamandar «BazaORS» kóterme bazary men «RýssKaz» bazary aýmaǵynda monıtorıng júrgizip, birqatar zańsyz ornalasqan saýda núktelerin anyqtaǵan. Monıtorıng nátıjesinde «BazaORS» aýmaǵynda 17 saýda dúńgirshegi, 3 jemis-jıdek satatyn, 1 samsa saýdalaıtyn dúńgirshek zańsyz dep tanylǵan. Anyqtalǵan kásipkerlerdiń jumysy toqtatylyp, konteıner ornynan alyndy.
Jalpy, qala boıynsha barlyǵy 12 bazar bar. Aqtaý qalasy boıynsha kásipkerlik jáne aýyl sharýashylyǵy bóliminiń basshysy Demeýǵalı Bakovtyń aıtýynsha, barlyq jerde osyndaı jumystar júrgiziledi. Basty nazarda - saýda núktelerin zańdastyryp, bıýdjet túsimderin ulǵaıtý.
«RýssKaz» bazarynyń dırektory ıÝrıı Volkov deklaratsııada «nysanda saýda oryndary - 56» dep kórsetken. Al monıtorıng nátıjesinde 204 saýda orny anyqtaldy. Aıyrmasy - 148 birlik. Bul saýda oryndary kórsetilmegen, ıaǵnı olar úshin salyq tólenbegen», - dedi Demeýǵalı Bakov.
Qazirgi tańda tozyǵy jetken bazarlardy sanıtarlyq, tehnıkalyq talaptarǵa saı modernızatsııalaý jumysy bastalyp jatyr. Máselen, «RýssKaz» bazarynda aǵymdaǵy jyldyń 1 qyrkúıeginde zamanaýı saýda úıiniń qurylysy bastalmaq. Bazar basshylarynyń aıtýynsha, qazirgi ýaqytta smetalyq-jobalyq qujattamalar ázirlenip, eskızder daıarlaný ústinde. Jalpy, 2020 jylǵa deıin barlyq bazarlardy ortaq talaptarǵa saı jańǵyrtý kózdelip otyr.
Budan bólek, Aqtaý qalasy ákiminiń qaýlysymen beriletin maýsymdyq saýdaǵa arnalǵan 299 núkte belgilendi. Bul másele qoǵamdyq keńeste maquldanyp, ádilet organdarymen kelisilip jatyr. Jemis-kókónis jáne baý-baqsha ónimderine - 148 oryn, balmuzdaq, júgeri, alkogolsiz sýsyndarǵa - 55 oryn, kvasqa - 96 oryn beriledi. Bul saýda núkteleri biryńǵaı úlgide bolady.
