Aqtaýda zańsyz salynyp jatqan Crystal City turǵyn úı kesheni súrildi
Aqtaýda 19-shaǵynaýdandaǵy № 12 jer teliminde ornalasqan «Crystal City» turǵyn úı kesheni súrildi, dep habarlaıdy Kazinform qoǵamdyq kommýnıkatsııa ortalyǵyna silteme jasap.
Mańǵystaý oblysynyń memlekettik sáýlet-qurylys baqylaýy basqarmasy jospardan tys tekserý júrgizdi.
Nátıjesinde qurylys salýshy «Bereket-F» JShS tıisti ruqsat qujattarynsyz, jobalaý-smetalyq qujattamasy bekitilmegen.
ıAǵnı Qazaqstandaǵy sáýlet qala qurylysy jáne qurylys qyzmeti týraly zańynyń 68-babyna sáıkes qurylys protsesine qoıylatyn negizgi talaptaryn saqtamaı, ǵımarat salyp jatqany belgili boldy.
Mańǵystaý oblystyq memlekettik sáýlet-qurylys baqylaý basqarmasy basshysynyń orynbasary Alǵadaı Qoshtaevtyń aıtýynsha, atalǵan merdiger mekemege byltyr 15 qarashada qurylys-montajdaý jumysyn toqtatý jóninde nusqama berilgen.
Alaıda qurylys kompanııasy ony elemedi.
— Aqtaýda qajetti ruqsat qujatynsyz júrgizilgen zańsyz nysandar qurylysyna tosqaýyl qoıý maqsatynda naqty sharalar iske asyp jatyr. Kóp talap aryzdar zańsyz qurylysty toqtatý maqsatynda sotqa jiberildi. Osy obektiniń sot sheshimi zańdy kúshine endi. Búgin sot sheshiminiń atqarý paraǵy oryndalyp jatyr. Sondaı-aq qoldanystaǵy zańnamaǵa sáıkes basqa da obektilerdi májbúrlep buzý sharalary qabyldanady, — dedi Alǵadaı Qoshtaev.
