Aqtaýda zańsyz salynǵan taýnhaýs súrildi
Aqtaý qalasy Prımorskıı-1 turǵyn massıvinde zańsyz salynǵan taýnhaýs súrildi. Bul - jyl basynan beri sottyń sanktsııasymen buzylǵan úshinshi qurylys, dep habarlaıdy Kazinform.
- Qurylys salýshylarǵa qujattardy rásimdeýge jáne qurylysty toqtatýǵa tıisti nusqama berildi. Alaıda olar berilgen nusqamany elegen joq. Sol sebepti bul zańsyz qurylysty buzý úshin sot organdaryna talap aryz joldadyq. Sottyń birinshi satydaǵy sheshimimen joldanǵan talap aryz qanaǵattandyrylyp, apellıatsııadan keıin sot sheshimi zańdy kúshine endi, - deıdi Mańǵystaý oblystyq memlekettik sáýlet-qurylys baqylaý basqarmasynyń basshysy Dáýren Ótepqalı.
Qurylys salýshyǵa Ákimshilik quqyq buzý týraly kodekstiń 316, 321 jáne 463-baptaryna sáıkes ákimshilik jazalaý sharalary qabyldandy.
Eske salsaq, buǵan deıin zańsyz salynǵan turǵyn úı kesheni men qonaqúı qurylysy buzylǵan edi.
Eki nysan da qurylysqa qajetti ruqsat qujatynsyz jáne jobalaý-smetalyq qujattamasy jasaqtalmaı salynǵan.
