Aqtaýda zańsyz aktıv esebinen salynǵan jedel járdem stantsııasynyń jańa ǵımaraty ashyldy
ASTANA. KAZINFORM — Aqtaý qalasynda Mańǵystaý oblystyq jedel jáne shuǵyl medıtsınalyq járdem stantsııasynyń jańa ǵımaratynyń ashylý saltanaty ótti, dep habarlaıdy DSM baspasóz qyzmeti.
Іs-sharaǵa Bas prokýrordyń orynbasary Ǵabıt Sadyrbekov, Densaýlyq saqtaý vıtse-mınıstri Tımýr Muratov, Mańǵystaý oblysynyń ákimi Nurdaýlet Qılybaı, densaýlyq saqtaý salasynyń ardagerleri men óńir medıtsınasynyń ókilderi qatysty.
— Jańa nysan Qazaqstan Respýblıkasy Prezıdentiniń tapsyrmasyna sáıkes Bas prokýrordyń qaıtarylǵan aktıvter esebinen salyndy. Zamanaýı stantsııa jylyna 100 000 shaqyrtýǵa eseptelgen. Ǵımarat ortalyqtandyrylǵan birikken dıspetcherlik qyzmetpen, zamanaýı sımýlıatsııalyq jáne oqý-praktıkalyq ortalyqpen, sondaı-aq 20 birlik sanıtarlyq avtokólikke arnalǵan jyly garajben jabdyqtalǵan. Joba jedel medıtsınalyq kómektiń sapasyn jańa deńgeıge kóterýge baǵyttalǵan, — delingen habarlamada.
Іs-shara barysynda densaýlyq saqtaý salasynyń ardageri Álimjan Saǵymbaev, Mańǵystaý oblysynyń ákimi Nurdaýlet Qılybaı, Bas prokýrordyń orynbasary Ǵabıt Sadyrbekov, Densaýlyq saqtaý vıtse-mınıstri Tımýr Muratov quttyqtaý sóz sóılep, jedel járdem qyzmetiniń strategııalyq mańyzdylyǵyna toqtaldy.
Buǵan deıin Prezıdent zańsyz aktıvterdi elge qaıtarý jurtqa jaǵý úshin jasalǵan saıası naýqan emes ekenin aıtty.