Aqtaýda úzdik polıtseıler marapattaldy
«Óz salasy boıynsha qyzmetinde joǵary kórsetkishke qol jetkizgen polıtseıler qatary jyl saıyn artyp keledi. Biri basyn qaterge tigip, erlik kórsetse, biri minsiz eńbegi úshin alǵysqa laıyq dep tanyldy», - dedi Qanat Taımerdenov.
«Úzdik basshy» ataǵyna Beıneý aýdany Polıtsııa bóliminiń polıtsııa polkovnıgi Jumaǵalı Bóken Begeruly laıyqty dep tabyldy.
«Úzdik jedel ýákil» - Jańaózen qalasy Polıtsııa basqarmasy Krımınaldyq polıtsııa bóliminiń aǵa jedel ýákili polıtsııa kapıtany Izbasarov Erjan;
«Úzdik tergeýshi» - PD Tergeý basqarmasynyń jeke tulǵaǵa qarsy qylmystardy tergeý bóliminiń asa mańyzdy ister jónindegi aǵa tergeýshisi polıtsııa maıory Klımenko Alekseı;
«Úzdik anyqtaýshy» - PD Tergeý basqarmasynyń aǵa anyqtaýshysy polıtsııa kapıtany Shagırbaev Imammagzým;
«Úzdik ýchaskelik polıtsııa ınspektory» - Aqtaý qalasy PB Jergilikti polıtsııa qyzmeti bóliminiń ýchaskelik polıtsııa ınspektory polıtsııa maıory Aıbekov Baýyrjan;
«Úzdik polıtseı» - PD Aıdaýyl qyzmet rotasynyń polıtseıi polıtsııa aǵa serjanty Koshmaǵanbetov Asylbek jáne Aqtaý qalasy PB Patrýldik polıtsııa batalonynyń 3-rota 1-vzvod polıtseıi polıtsııa serjanty Abdıreshev Ernazar;
«Úzdik memlekettik ákimshilik qyzmetshi» - Munaıly aýdany PB keńsesiniń jetekshi mamany Maskarova Bahtygúl bolyp tanyldy.
Sondaı-aq, jıynda Q.Taımerdenov polıtsııaǵa túsken árbir ótinish mindetti túrde qaralyp, nazardan tys qalmaıtynyn atap ótti.
«Syrtqy qyzmetterge keletin bolsaq, bir jyl ishinde olar 134 myńnan astam quqyqbuzýshylyqty anyqtady, olar boıynsha 700 mln. teńgeden astam aıyppul salyndy. Onyń 578 mln. teńgesi memleket kirisine óndirip alyndy, óndirip alý paıyzy 74,7 qurady»,-dedi.
Jalpy, jyl qorytyndysy boıynsha óńirde tirkelgen qylmystardyń sany 4,4%-ǵa, onyń ishinde kisi óltirý (3,7%-ǵa), zorlaý (3,8%-ǵa), tonaý (32,8%-ǵa), buzaqylyq (33,2%-ǵa) jáne bótenniń múlikin urlaý (13,2%-ǵa) azaıǵan.
Sondaı-aq, kóshe qylmystary (26,6%-ǵa), qoǵamdyq oryndardaǵy qylmystar (19,7%-ǵa), kámeletke tolmaǵandarmen jasalǵan qylmystar (1,4%-ǵa) jáne qarý qoldanyp jasalǵan qylmystar (41,2%-ǵa) kemidi.
