Aqtaýda úıiniń terezesinen oq atqan er adam ustaldy
AQTAÝ. QazAqparat - Aqtaýda polıtsııa qyzmetkerleri terezesinen kóshege oq atqan er adamdy taýyp, úıinen qarý-jaraqtardy tárkiledi. Bul týraly Mańǵystaý oblystyq Polıtsııa departamentinen málim etti, dep habarlaıdy QazAqparat tilshisi.
Aqtaý turǵynynyń balkonda turyp kóshege oq atqan áreketin janyndaǵy ózge adam vıdeoǵa túsirgen. Keıin ol aqtaýlyqtyń Instagramdaǵa jeke paraqshasynda júktelip, oǵan: «Kóńil-kúıiń nashar bolǵanda, ishińdegini osylaı shyǵarý kerek», - degen jazba qaldyrylǵan.
Oblystyq Polıtsııa departamentiniń aqparatyna sáıkes, oqıǵa 16 sáýir kúni saǵat 21:45-te 32B shaǵynaýdanynda bolǵan.
«Úıin tintý kezinde patrondary bos Kalashnıkov avtomaty, jaryq jáne dybystyq súıemeldeýi bar Makarov tapanshasy, pnevmatıkalyq vıntovka tabylyp, tərkilendi. Derek QR Qylmystyq kodeksiniń 287-baby 3-bóligimen tirkeldi. Sotqa deıingi tergeý jumystary júrgizilýde», - dedi departamentten.
Aıta keteıik, Qylmystyq kodekstiń 287-babynyń 3-bóligi 5 myń AEK-ke deıingi mólsherde aıyppul salýdy, ne sol mólsherde túzeý jumystaryna tartýdy, bolmasa bes jylǵa deıingi merzimge bas bostandyǵyn shekteýdi, ne sol merzimge bas bostandyǵynan aıyrýdy kózdeıdi.
