Aqtaýda úıin óz betimen dezınsektsııalaý sońy qaıǵyly oqıǵaǵa ulasty
Oblysynyń qoǵamdyq kommýnıkatsııa ortalyǵynda ótken brıfıngte Aqtaý qalasynyń bas sanıtar dárigeri turǵyndardy óz betinshe nysandarǵa dezınsektsııa jasamaýǵa shaqyrdy.
Onyń aıtýynsha, 1, 2, 3-klastaǵy hımııalyq zattarmen tek arnaıy lıtsenzııasy bar mamandardyń dezınsektsııa jasaýyna bolady. Al úı jaǵdaıynda óz betinshe 4-sanattaǵy preparattarmen jumys isteýge ruqsat etilgen.
«Jalpy zalasyzdandyrý jumystary mindetti túrde respýblıkalyq reestr tiziminde bar preparattarmen júrgiziledi. ıAǵnı, sol tizimde joq zattardy respýblıka aımaǵynda paıdalanýǵa qatań tyıym salynǵan. Reestr tizimi ınternet jelisinde bar», - dedi Ásıma Jarylǵasova.
Jýyrda Aqtaý qalasynyń eki turǵyny hımııalyq ýlanýdan qaıtys boldy. Quzyrly organdar anyqtaǵandaı Aqtaý qalasynyń turǵyny «Kvıkfos» preparatymen (jándikterge qarsy preparat) kórshilerin eskertpesten óz páterin dezınsektsııalaıdy. Páterin zalalsyzdandyryp bolǵan soń, úıin kilttep basqa shaǵynaýdanǵa ketken. Keıin kórshileriniń densaýlyǵy nasharlaı bastaǵan. Saldarynan kórshi áıel men onyń qyzy kóz jumdy.
Spıkerdiń málimetinshe, óńirde jándikterdi ýlaý preparattaryn úı jaǵdaıynda qoldanyp, saldarynan bolǵan qaıǵyly oqıǵa faktileri 2017, 2018, 2019 jyldary tirkelgen.
«Qaladaǵy barlyq turǵyn úılerdiń tazalyǵyna jaýapty mekemelerde zalasyzdandyrýmen aınalysatyn uıymdardyń tizimi bar. Máselen, Aqtaýda tazalaý jumystaryn júrgizýge ruqsaty bar 8 mekeme jumys isteıdi. Qala turǵyndary kez-kelgen ýaqytta arnaıy uıymdardyń qyzmetine júgine alady. Eger úıde zararsyzdandyrý júrgizilse, turǵyndar mindetti túrde ony kórshilerine eskertip, podezge habarlandyrý ilýi qajet. Bul – ýlaný jaǵdaılarynyń aldyn alady», - dedi Ásıma Jarylǵasova.
Osy baǵytta jergilikti atqarýshy organdar men sanıtarııalyq-epıdemıologııalyq qyzmetiniń mamandary turǵyndar arasynda únemi profılaktıkalyq jumystardy júrgizip otyrady.