Aqtaýda úı mańdaıshasynyń qulaýynan zardap shekken er adamǵa ota jasaldy

AQTAÝ. QazAqparat – Aqtaýda kópqabatty úıdiń kireberisindegi betondy kúnqaǵardyń qulaýynan zardap shekken er adamǵa ota jasaldy, dep habarlaıdy QazAqparat tilshisi.

«Oń aıaǵynyń ashyq synyq jaraqatyna baılanysty zardap shegýshige metallosıntez operatsııasy jasaldy. Súıek synyqtaryn biriktirý aıaqtyń berik bekitilýin qamtamasyz etedi. Naýqas dárigerlerdiń baqylaýynda», - dep málim etti Mańǵystaý oblystyq kópsalaly aýrýhanasynyń baspasóz qyzmetinen.

Eske salaıyq, 11 mamyr kúni Aqtaýda 9-shaǵynaýdandaǵy turǵyn úıdiń kireberisindegi betondy kúnqaǵar opyrylyp qulap, bir adam qaza boldy. Zardap shekken taǵy eki adam Mańǵystaý oblystyq aýrýhanasyna jetkizildi. Keıin olardyń biri úıine shyǵaryldy.