Aqtaýda ústine dıvan qulaǵan jigitke elordalyq dárigerler ota jasady
AQTAÝ. QazAqparat - Ulttyq neırohırýrgııa ortalyǵynyń mamandary Aqtaýda moıyn omyrtqasy synyp, julyny zaqymdanǵan naýqasqa operatsııa jasady. Bul týraly Mańǵystaý oblystyq kópsalaly aýrýhananyń baspasóz qyzmeti málim etti, dep habarlaıdy QazAqparat tilshisi.
6-qabattan laqtyrylǵan jıhaz ústine túsken 39 jastaǵy azamat aýyr zardap shekkenin jazǵan edik.
Naýqastyń aıaq-qoly istemeı qalǵan.
«Naýqastyń omyrtqasy tolyqtaı ımplantpen almastyryldy. Julyndy qysyp turǵan bólshekter alynyp, julyn bosatyldy. Operatsııadan keıingi jaǵdaıy birqalypty turaqty aýyr. Qazir jansaqtaý bóliminde»,-dedi oblystyq aýrýhana neırohırýrgııa bóliminiń meńgerýshisi Dýman Myrzabekov.
Dárigerler aldaǵy ýaqytta naýqasty bólimshege shyǵarý josparlanyp otyrǵanyn aıtty.
