Aqtaýda ústine altynshy qabattan dıvan qulap ketken jigit aýyr halde jatyr

AQTAÝ. QazAqparat – Aqtaýda 39 jastaǵy er adamnyń ústine altynshy qabattan dıvan qulap ketti. Ol oblystyq aýrýhanada jatyr, dep habarlaıdy QazAqparat tilshisi.

Oqıǵa 12 qańtar kúni saǵat 13:00 shamasynda 11 shaǵynaýdannyń 41 úıinde bolǵan.

Sol kúni altynshy qabattan belgisiz adam dıvannyń bir bóligin jerge laqtyryp jibergen.

Aýyr jıhaz úıdiń mańynan ótip bara adamnyń ústine qulaǵan.

«Naýqastyń jaǵdaıy óte aýyr. Zardap shekken adamnyń moıyn omyrtqasy synǵan, julyny aýyr jaraqattanǵan», - dedi Mańǵystaý oblystyq kópbeıindi aýrýhanasynyń baspasóz hatshysy Gúlmıra Sútibaeva.

Dárigerlerdiń aıtýynsha, syrqattyń denesi túgel sal bolyp qalǵan, qozǵala almaıdy.

Qalalyq polıtsııa Qylmystyq kodekstiń 114-baby boıynsha is qozǵady.