Aqtaýda ústine altynshy qabattan dıvan qulaǵan jigitke elordalyq dárigerler ota jasaıdy

AQTAÝ. QazAqparat - Aqtaýda ústine altynshy qabattan dıvan qulaǵan jigitke elordalyq dárigerler ota jasaıdy, dep habarlaıdy QazAqparat tilshisi.

«Elordalyq dárigerler jigitke ota jasaıdy. Ózge aqparattar otadan keıin bolady», - dep málim etti Mańǵystaý oblystyq aýrýhanasynyń baspasóz qyzmetinen.

Aıta keteıik, Aqtaýda 39 jastaǵy jigittiń ústine dıvan qulap, onyń aýrýhanaǵa aýyr halde jetkizilgenin jazǵan edik. Dárigerlerdiń aıtýynsha, syrqattyń denesi túgel sal bolyp qalǵan, qozǵala almaıdy. Mańǵystaý oblystyq kópbeıindi aýrýhanasynyń baspasóz hatshysy Gúlmıra Sútibaeva málim etkendeı, moıyn omyrtqasy synǵan, julyny aýyr jaraqattanǵan.

Oqıǵa 12 qańtar kúni saǵat 13:00 shamasynda 11 shaǵyn aýdannyń 41-úıinde bolǵan.