Aqtaýda Azerbaijan Airlines ushaǵy apatqa ushyrady

AQTAÝ. KAZINFORM — Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.

Ushaqtyń órtenip jatqany anyqtaldy. Qutqarý bólimsheleri órtti sóndirýge kiristi.

Qazirgi ýaqytta zardap shekkender týraly aqparat naqtylanyp jatyr. Aldyn ala málimet boıynsha tiri qalǵan adamdar bar.

TJM Komandalyq ortalyǵynda jedel ShTAB quryldy, onda senim telefony: 8/7292/319099 jumys istep jatyr.

QR Kólik mınıstrligi Aqtaý qalasynyń mańynda «Baký-Groznyı» baǵytyndaǵy ushaq apatqa ushyraǵanyn málimdedi. Bul ushaq Azerbaijan Airlines avıakompanııasyna tıesili.

Oqıǵanyń mán-jaıy naqtylanady. Arnaıy tergeý júrgiziledi.

Aqtaýda MAEK kásipornynda jumysshy qaza tapqanyn jazǵan bolatynbyz. Osy oqıǵaǵa qatysty tergeý bastalyp, saraptama taǵaıyndalǵan.