Aqtaýda Ulttyq ulan jaýyngerleri joǵalǵan 10 jasar qyzdy tapty
AQTAÝ. QazAqparat - Aqtaýda Ulttyq ulan jaýyngerleri joǵalǵan 10 jasar qyzdy tapty, dep habarlaıdy QazAqparat tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 2 mamyr kúni saǵat 21.00 shamasynda 3-shaǵynaýdanda boldy.
Er adam qyzyn óz betimen izdep-tabýǵa árekettengen. Biraq kún batyp bara jatqan soń, jaýyngerlik toptar boıynsha kezekshi, aǵa leıtenant Rınat Ádikovke habarlasqan.
Qyz balanyń joǵalǵany jóninde baǵyt-baǵdar sol boıda jedel basqarý ortalyǵyna berilgen. Ony izdeýge jeke quram túgeldeı jumyldyrylǵan. 40 mınýttan keıin R.Ádikov pen qatardaǵy jaýynger Abaı Sanaev qyzdy №48 úıdiń janynan tapty.
Taıaý mańdaǵy polıtsııa pýnktine jetkizilgen qyz ata-anasymen aman-esen qaýyshty.
6656-áskerı bólim komandıri qyraǵylyq kórsetip, óz mindetterin adal oryndaǵan jaýyngerlerdi yntalandyrdy.
