Aqtaýda Ulttyq ulan jaýyngerleri adasyp ketken 7 jasar balany tapty
QR Ulttyq ulany «Batys» óńirlik qolbasshylyǵy baspasóz qyzmetiniń jetekshisi, podpolkovnık Erbolat Sultanovtyń málim etkenindeı, oqıǵa 8 mamyr kúni keshkisin boldy.
Saǵat 18.30 shamasynda qatardaǵy jaýyngerler Álıhan Sársenov (top basshysy, Raıymbek Qubash, Saparǵalı Sársenbekov kóshede jylap otyrǵan 7 jasar ul balany kóredi. Surastyryp bilgen kezde Álıhannyń oınap júrip adasyp ketkenin anyqtaıdy.
Arada 15 mınýttan keıin balany ózdiginen izdep, taba almaǵan anasy Ulttyq ulan jaýyngerlerine jolyǵady. Sáýle Tasmaǵambetova uly Álıhan Qulhanovty tez taýyp bergeni úshin 6656-áskerı bólim komandıriniń atyna hat jazyp, sarbazdarǵa rızashylyǵyn bildirdi.
Qyraǵylyq kórsetkeni úshin atalǵan jaýyngerler 6656-áskerı bólim komandırimen yntalandyryldy.
Budan buryn Aqtaýda 7 mamyr kúni Ulttyq ulan jaýyngerleri joǵalyp ketken 4 jasar qyzdy da tapqan bolatyn.