Aqtaýda Ulttyq ulan sarbazdary izdeýde júrgen kúdiktini ustady
AQTAÝ. QazAqparat - Aqtaý qalasynda Ulttyq ulan sarbazdary izdeýde júrgen kúdiktini ustady, dep habarlaıdy QazAqparat tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 3 mamyr kúni bolǵan.
1 mamyr kúni belgisiz bireý «MedTehnıka» ónerkásip bazasynda túski úziliste quraldar salynǵan qurylys shabadanyn urlap ketken. Jábirlenýshi polıtsııaǵa habarlasyp, urynyń syrtqy kelbetin, erekshe belgilerin, ózine 38 myń teńge shyǵyn keltirgenin aıtyp, shaǵym jazǵan.
3 mamyr kúni saǵat 20.50 shamasynda quramynda serjant Muhıt Berdesh, qatardaǵy sarbaz Ábýtálip Aıtqoja jáne Qural Nahaı bar top kúdiktige keletin er adamdy baıqaıdy. Ol boı tasalamaq bolǵanymen, qolǵa túsedi. Ustalǵan Aqtaý qalasynyń 33 jasar turǵyny bolyp shyqty. Ol kýálerdiń kózinshe qurylys shabadanyn urlaǵanyn moıyndady.
Qazirgi kezde sotqa deıingi tergeý amaldary júrgizilýde. Kúdiktiniń basqa da qylmystarǵa qatystylyǵy tekserilýde. Kúdiktini ustaýda batyldyq tanytqany úshin atalǵan jaýyngerlerdi 6656-áskerı bólim komandıri yntalandyrdy.
Eske sala keteıik, budan buryn Aqtaýda Ulttyq ulan sarbazdary joǵalǵan 10 jasar qyzdy tapqanyn jazǵan bolatynbyz.
