Aqtaýda úleskerlerdi aldap, pátersiz qaldyrǵan kompanııa basshysy qamaldy

AQTAÝ. QazAqparat - Aqtaýda úleskerlerdi aldap, pátersiz qaldyrǵan kompanııa basshysy qamaýǵa alyndy, dep habarlaıdy QazAqparat tilshisi Aqtaý qalasy ákimidiginiń baspasóz qyzmetine silteme jasap.

«Mańǵystaý oblysynyń Polıtsııa departamenti «Gaýhartas» turǵyn úı̆ kesheni turǵyndarynyń ótinishi boı̆ynsha QR Qylmystyq kodeksiniń 190-baby 4-bóliginiń 2-tarmaǵymen (iri kólemde jasalǵan alaıaqtyq) sotqa deı̆ingi tergeý jumystaryn bastady. Kúdikti retinde «Tastemır LTD» JShS basshysy ustalyp, ýaqytsha ustaý ızolıatoryna qamaldy. Qazirgi ýaqytta is boı̆ynsha tergeý-jedel is-sharalary júrgizilýde», - delingen baspasóz habarlamasynda.

Buǵan deıin aqtaýlyq 200 úlesker zańsyz qurylysqa aqsha salyp, aldanyp qalǵanyn jazǵan bolatynbyz. Az ýaqyttyń ishinde úsh birdeı turǵyn úı kesheniniń qurylysty ruqsatsyz júrgizgeni anyqtaldy.

Máselen, «Gaýhartas» jáne «Mahabbat» keshenderi jobaǵa sáıkes kelmeıdi.