Aqtaýda úleskerlerden zańsyz 400 mln teńge jınap alǵan JShS basshysyna qatysty tergeý júrip jatyr
Aqtaýda «Atameken» turǵyn úı kesheni aıaqtalmaǵan obektisi salymshylarynyń senip tapsyrylǵan aqshalaı qarajatyn ıemdený jáne talan-tarajǵa salý faktisi boıynsha «Bagıs» JShS basshylyǵyna qatysty qylmystyq istiń tergeýi jalǵasýda.
Bul týraly Kazinform Qarjylyq monıtorıng agenttiginiń baspasóz qyzmetine silteme jasap habarlaıdy.
Tergeý barysynda JShS dırektory 2017 jyldyń naýryzy men 2022 jyldyń qyrkúıegi aralyǵynda turǵyn úı kesheni qurylysyn aıaqtaımyn degen syltaýymen 119 úleskerdiń 400 mln teńgege jýyq aqshasyn ıemdegendigi anyqtaldy.
JShS basshysyna qatysty «qamaýda ustaý» túrindegi bultartpaý sharasy sanktsııalandy.
Qazirgi ýaqytta qylmystyq is boıynsha tergeý júrip jatyr, sondaı-aq qosymsha sot saraptamalary júrgiziledi, onyń nátıjesi boıynsha kúdiktiniń is-áreketterine túpkilikti quqyqtyq baǵa beriletin bolady.
QR Qylmystyq-protsestik kodeksiniń 201-babynyń talaptaryna sáıkes tergeý múddesinde ózge aqparat jarııa etilýge jatpaıdy.
«QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi»,-delingen habarlamada.
