Aqtaýda ulandyqtar jol apatynan zardap shekkenderge kómektesti
Aqtaýda Ulttyq ulannyń «Batys» óńirlik qolbasshylyǵy 6656 áskerı bóliminiń áskerı qyzmetshileri «VAZ 21099», Toyota Camry jáne Toyota Land Cruiser 200 markaly úsh azamattyq avtokólik quralynyń qatysýymen bolǵan jol-kólik oqıǵasyn kórip qalyp, zardap shekken jolaýshylarǵa jedel kómek kórsetti. Jol kólik oqıǵasy, 7 mamyr kúni saǵat 17.30-da Aqtaý qalasynyń 14 shaǵyn aýdanynda, «H2O» kafesiniń janynda oryn aldy. Jol apatynan alty adam zardap shekti. Olar Mańǵystaý oblystyq aýrýhanasyna tez jetkizildi», - delingen habarlamada.
Zardap shekkenderge kómekke alǵashqylardyń biri bolyp 6656 áskerı bóliminiń jaýyngerleri kelgen. Áskerı jasaq boıynsha kezekshi aǵa leıtenant Sabyr Quralov pen patrýldik qatardaǵy jaýyngerler Bekzat Qaırýllaev pen Dáýren Úmbetov avtokólik apatyn alǵashqy bolyp baıqady.
«Ulandyq sardar jedel járdem kóligi men jol-patrýldik qyzmet mamandaryn dereý shaqyryp, patrýlshilermen qorshaýdy uıymdastyrdy. Ulandyqtar medıtsına qyzmetkerlerimen birlesip, oqıǵa qatysýshylaryna medıtsınalyq kómek kórsetti. Shuǵyl jaǵdaıda jedel áreket etkeni úshin áskerı bólimniń basshylyǵy áskerı qyzmetshilerdi gramotalarmen jáne baǵaly syılyqtarmen marapattady», - dep jazdy Ulttyq ulannan.
