Aqtaýda tyıym salynǵan jerde sýǵa túspek bolǵan 3 adam sýǵa ketti
AQTAÝ. QazAqparat - Mańǵystaý oblysyndaǵy 4 shaǵyn aýdandaǵy teńiz jaǵalaýynan er adamnyń óli denesi tabyldy,-dep habarlaıdy QazAqparat tilshisi Mańǵystaý oblystyq Tótenshe jaǵdaılar departamentine silteme jasap.
Departament mamandarynyń aıtýynsha, er adam teńizge batyp ketken. Qujattary qasynda bolmaǵan soń onyń tulǵasy anyqtalmaǵan.
Sondaı-aq, Aqtaý qalasynyń eki turǵyny ótken demalysta sýǵa ketti. Birinshisi «Shora» mańynda, al ekinshisi «Tarazık» dep atalatyn aýmaq janynda mert boldy. Ókinishke qaraı, olardyń bireýiniń denesi áli tabylmaǵan.
«Qazirgi tańda izdestirý jumystary júrgizilip jatyr. Balalardyń ekeýi de tyıym salynǵan jerde sýǵa túsken. Sondyqtan, aqtaýlyqtarǵa aıtarymyz - saq bolǵandaryńyz jón! Tyıym salynǵan jerlerde sýǵa túspeýlerińizdi suraımyz»,-deıdi Mańǵystaý oblystyq Tótenshe jaǵdaılar departamentiniń órt qaýipsizdigi salasyndaǵy baqylaý jáne profılaktıkalyq qyzmet basqarmasynyń basshysy Nurjan Borashev.
