Aqtaýda tyıym salynǵan jerde shomylǵan jasóspirim sýǵa batyp ketti

AQTAÝ. QazAqparat - Aqtaýda jasóspirim bala tyıym salynǵan jerde sýǵa batyp ketti, dep habarlaıdy QazAqparat tilshisi.

Qaıǵyly oqıǵa shomylýǵa tyıym salynǵan jerlerdiń tizimine engizilgen jaǵalaý ýchaskesinde boldy. Halyq arasynda 43 shaqyrym dep atalyp ketken jerde teńizge shomylyp júrgen 2003 jyly týǵan jasóspirim bala sýǵa batyp ketti.

Jastar dostarymen demalysta bolǵan. Marqum teńizde júzip júrgen jerinde joǵalyp ketken. Tótenshe jaǵdaılar qyzmeti mamandarynyń aıtýynsha, búgin teńizde sýdyń temperatýrasy 17 gradýs boldy.

Quramynda bes adam jáne bir júzý quraly bar jedel-qutqarý jasaǵy 17:53-te jasóspirimniń máıitin tapty.