Aqtaýda tyǵylyp toı jasaǵandardyń vıdeosy áleýmettik jelige tarap ketti
Avtor «Mańǵystaý oblysy Energetıka turǵyn úı kommýnaldyq sharýashylyq basqarmasynyń bas mamany Janbolat Jaqypov toı toılap jatyr. Kúıeýjigit Mańǵystaýdaǵy iri munaı-gaz komnanııasynyń burynǵy basshysynyń uly», - dep kórsetken.
Sondaı-aq, jýrnalıst óziniń paraqshasynda ekinshi toıdyń da vıdeosyn jarııalady. Onda tanymal Instagram blogeriniń toıdan salǵan vıdeolary kórsetilgen.
Karantındik shekteýleri buzyp, dúrkiretip toı toılaǵandardyń vıdeosyna qatysty Taýarlar men kórsetilgen qyzmetterdiń sapasy men qaýipsizdigin baqylaý komıtetiniń resmı ókili Erjan Baıtana pikir bildirdi. Ol karantın talaptaryn buzǵandarǵa qatysty Aqtaý polıtsııasymen birge jospardan tys tergeý bastalǵanyn málim etti.
«Tekserý qorytyndysy boıynsha Qazaqstan Respýblıkasynyń jáne Mańǵystaý oblysynyń bas memlekettik sanıtarııalyq dárigerleri qaýlylarynyń talaptaryn buzýǵa jol bergen uıymdastyrýshylarǵa QR Ákimshilik quqyq buzýshylyq týraly Kodeksiniń 425-babynyń 1-bóligi boıynsha «halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý« talaptary boıynsha ákimshilik jaýapkershilikke tartylady», - dedi ol.
Osyǵan deıin Mańǵystaýda týǵan kúnin dúrkiretip toılaǵan basqarma basshysy jazalanǵanyn jazǵan bolatynbyz.