Aqtaýda týystary kirgizbeı qoıǵan áıel 5 aı jaǵalaýda shatyr tigip turǵan

Aqtaýda baspanasyz jáne jumyssyz qalǵan jas áıel sáýir aıynan kúni búginge deıin teńiz jaǵasynda shatyrda turýǵa májbúr bolǵan. Reseıden qaıtyp kelgen ony týystary qabyldamaǵan. Onyń qıyn jaǵdaıyn bilgen qala turǵyndary jumys pen baspana máselesin bir kúnde sheship berdi, dep habarlaıdy QazAqparat Lada.kz-ke silteme jasap.

Aqtaýlyq eriktilerdiń biri Anatolııdiń jazýynsha, Natalıa - Qazaqstan azamaty. Ol kez kelgen kómekten bas tartyp, oǵan tek jumys tabýǵa kómek suraǵan. Onyń barlyq qajetti qujattary jáne eki joǵary bilimi bar.

Eriktiler oǵan azyq-túlik satyp alyp bardy.

«Áıelder oǵan kelip sóılesti. Qalada týystary bar, biraq olar aralaspaıdy eken. Dál qazir ony alyp ketip, jumysqa ornalastyryp, baspana beremiz», – dep jazdy chatta belsendilerdiń biri.

Birneshe qatysýshy ony ýaqytsha tirkeýge turǵyzýdy usyndy. Taǵy biri oǵan jaǵdaıy jaqsarǵansha páterin usynatynyn jazǵan.

Birneshe saǵattan keıin áıeldi eriktilerdiń biri úıine alyp ketkeni belgili boldy. Ol Natalıaǵa jumys izdep júr.

Anatolııdiń aıtýynsha, Natalıa - jergilikti turǵyn. Ol Máskeýge jumys isteýge, oqýǵa ketken. Koronavırýs pandemııasy bastalǵanǵa deıin ártúrli jerlerde jumys istegen.

Jyldyń basynda ol týǵan jeri Aqtaýǵa oraldy. Belsendiler chatynda jazylǵandaı, onyń týystary: «Sen myqtysyń, biz saǵan senemiz» dep, úıge kirgizbeı qoıǵan.

«Qańtardan sáýirge deıin ol ár jerde jumys istegen. Sodan keıin panalaý úshin shatyr satyp alǵan. Kúnine úsh myńǵa dárethana tazalaýshy bolyp jumys istedi. Jalaqyny kóterýdi suraǵan ol jumystan bosatylǵan», - dedi Anatolıı.