11:21, 11 Qarasha 2019 | GMT +5
Aqtaýda túıemen soqtyǵysqan kóliktegi 4 jasar búldirshin qaza tapty
AQTAÝ. QazAqparat - «Jańaózen - Aqtaý» tasjoynda bolǵan jol apatynan 2 adam qaza boldy, dep habarlaıdy QazAqparat tilshisi.

Mańǵystaý oblystyq densaýlyq saqtaý basqarmasy baspasóz qyzmetiniń habarlaýynsha, tasjolda kólik túıemen soqtyǵysqan.
«Kólikte 4 adam bolǵan. Habar túsken boıda oqıǵa ornyna jedel járdem birden jiberildi. 2 adamnyń qaıtys bolǵany oqıǵa ornynda belgili boldy. Onyń bireýi - 4 jasar búldirshin. Qalǵan 2 adam oblystyq aýrýhananyń qabyldaý bólimine jetkizildi. Olar ár túrli dene jaraqatyn alǵan» delingen habarlamada.