Aqtaýda tutynýshylardyń quqyqtaryn buzǵany úshin iri saýda jelisine aıyppul salyndy
ASTANA. KAZINFORM – 2024 jyldyń mamyr aıynda qaladaǵy saýda jelileriniń birinde et ónimderin vıtrınada kórsetilgen baǵa belgisinen 20%-ǵa jýyq joǵary baǵamen satý faktisi anyqtaldy.
Bul fakti boıynsha Saýda jáne tutynýshylardyń quqyqtaryn qorǵaý departamentiniń qaýlysymen zańdy tulǵa ákimshilik jaýaptylyqqa tartyldy. Apaıda zańdy tulǵa ókiliniń shaǵymy boıynsha Aqtaý qalasynyń ákimshilik quqyq buzýshylyqtar jónindegi mamandandyrylǵan soty ýákiletti organ qaýlysynyń kúshin joıdy.
Prokýratýranyń aktisi boıynsha Mańǵystaý oblystyq sotymen birinshi satydaǵy sot qaýlysynyń kúshi joıylyp, saýda jelisine 738 400 teńge aıyppul túrinde ákimshilik jaýaptylyqqa tartyldy.
Sot aktisi zańdy kúshine endi.
Áleýmettik mańyzy bar azyq-túlik ónimderin ótkizý kezinde tutynýshylardyń quqyqtaryn qorǵaý máseleleri prokýratýra organdarynyń erekshe baqylaýyna alynǵan.
Eske sala keteıik, buǵan deıin Mańǵystaýda tamaqtan ýlanǵan 43 oqýshy aýrýhanadan shyqqanyn jazǵan edik.
