Aqtaýda turmystyq zorlyq-zombylyqtan zardap shekken áıelder úshin baspana ashyldy

ASTANA. QazAqparat - Aqtaýda «Oblystyq arnaıy mamandandyrylǵan «Balalar úıi» ǵımaratynda «Samruk-Kazyna Trust» áleýmettik jobalardy damytý qorynyń jobasy - «Úmit úıi» oblystyq daǵdarys ortalyǵynyń - turmystyq zorlyqtan zardap shekken áıelderge arnalǵan baspana ashyldy, dep habarlaıdy oblys ákiminiń bapspasóz qyzmei.

Joba ákimshisi - «RAI» qoǵamdyq qory. Onyń ashylý saltanatyna Mańǵystaý oblysy ákiminiń orynbasary Baný Nurǵazıeva, «Samuryq-Qazyna» ulttyq ál-aýqat qory» AQ korporatıvtik ortalyǵynyń transformatsııa jobasynyń jetekshisi Larısa Zıamzına, «Samruk-Kazyna Trust» áleýmettik jobalardy damytý qorynyń basqarýshy dırektory - resmı ókili Lıma Dıas qatysty.

Daǵdarys ortalyǵynda ómir súrýge qajetti barlyq zattar bar. Baspana 15-20 jatatyn orynǵa eseptelgen. Sonymen qatar, ǵımaratta oqytýǵa jáne áıelder men baspana qyzmetkerleri úshin trenıng, semınarlar ótkizýge arnalǵan zal bar. Balalarǵa arnalǵan bólmeler dıdaktıkalyq oıynshyqtarmen jáne quraldarmen jabdyqtalǵan.

 

«Úmit úıi» daǵdarys ortalyǵynda kıim pishý, shashtaraz, aspaz, konservileý, kıiz basý, ulttyq órnekterdi kesteleý boıynsha oqý kýrstaryn júrgizý josparlanyp otyr.

Budan bylaı árbir zardap shegýshi áıel - turmystyq zorlyq qurbany ortalyqqa habarlasyp, kómek jáne mamandardan keńes ala alady. Qazirgi kezde baspanada táýlik boıyna 42-00-60 senim telefony jumys jasaıdy. Munda maman azamattarǵa shuǵyl kómek kórsete alady. Barlyq aqparat - anonımdi túrde jáne qupııa. «Úmit úıi» daǵdarys ortalyǵy osy ortalyqqa habarlasqan adamdar týraly aqparatty taratpaýǵa jaýapty.