Aqtaýda túrik reısinen 22 keli kontrabandalyq zergerlik buıymdar tabyldy

ASTANA. 6 qarasha. QazAqparat - Aqtaýdyń halyqaralyq áýejaıynyń VIP- zalynda «Áýejaı-Aqtaý» keden beketiniń qyzmetkerleri 

«Ystambul-Aqtaý» №812 avıareısiniń jolaýshylarynyń qol júkteri men júkterin rentgen-apparatymen tekserý barysynda 27 jastaǵy QR azamatshasynan deklaratsııalanbaǵan jáne kedendik baqylaýdan jasyrylǵan zergerlik buıymdardy tapty: sary tústi metalldan jasalǵan - 1435 buıym, aq tústi metalldan jasalǵan - 1379 zat jáne qara tústi metalldan jasalǵan 113 buıym anyqtaldy. Olardyń jalpy salmaǵy 22 kelini qurady.

Osylaısha, Sh. esimdi azamatshanyń áreketterinde QR QK-niń 209-babynda (Ekonomıkalyq kontrabanda) kórsetilgen qylmystyń belgileri baıqaldy.

Qazirgi ýaqytta kontrabandaǵa qarsy kúres basqarmasy tekserý jáne protsessýaldy is-sharalardy júrgizýde.