Aqtaýda turǵyndar zańsyz saqtaǵan qarýlaryn tapsyryp jatyr
AQTAÝ. QazAqparat - Aqtaýlyq turǵyndar 7 atys qarýyn Polıtsııa departamentine erikti túrde tapsyrdy, dep habarlaıdy QazAqparat.
Onyń ishinde 2 oıyq uzyn uńǵyly jáne 5 tegis uńǵyly qarý bar.
Eske sala ketsek, óńirde qylmys pen quqyq buzýshylyqtardyń aldyn alý maqsatynda 10 sáýirden bastap halyqtan zańsyz saqtalǵan atys qarýlaryn men oq-dárilerdi, jarylǵysh zattar men jarylǵysh quraldardy satyp alý aktsııasy ótip jatyr. Al qarýlar aımaqtyq ishki ister bólimderinde qabyldanýda.
Atalǵan sharaǵa Mańǵystaý oblysy boıynsha respýblıkalyq bıýdjetten 3 mln 838 myń teńge kóleminde qarjy bólingen. Memleket, azamattardyń óz erikterimen tapsyrǵan árbir qarýlar men oq-dáriler úshin 100 aılyq eseptik kórsetkishke deıin syıaqy belgilep otyr.
Aıta ketken jón, zańsyz saqtalǵan atys qarýlaryn, oq-dárilerdi jáne jarylǵysh zattardy óz erikimen tapsyrǵan azamat ákimshilik jáne qylmystyq jazaǵa tartylýdan bosatylady.
