Aqtaýda turǵyn úılerdiń nómirin jaryqtandyrý bastaldy

AQTAÝ. QazAqparat - Alǵashqy jaryqtandyrý 30 shaǵynaýdanda ornalasqan nómiri 30-shy úıden bastaldy, dep habarlaıdy QazAqparat.

Mamaevtar otbasy bul úıde 2007 jyldan beri turady. Qasıetti shańyraqta 4 egiz dúnıege kelgen. El Táýelsizdiginiń 30 jyldyǵyna arnalǵan tartýdy kópbalaly otbasy qýanyshpen qarsy aldy.

«Men úshin búgin qýanyshty kún. Elimizde Táýelsizdikke oraı keremet sharalar uıymdastyrylyp jatyr. Osyǵan oraı, biz januıamyzben Aqtaýdaǵy osy 30 shaǵynaýdandaǵy 30 úıdiń turǵyny bolǵanymyzdy maqtanysh tutamyz. Búgin úıimde 30 sany jarqyrady. Kúnimiz eshqashan sónbesin. Elimiz, jurtymyz aman bolsyn. Qalamyz kórkeıe bersin»,- deıdi otanasy Sarsenbıbi Qurmanbaeva.

Jaryqtandyrý jumystary kásipkerlerdiń demeýshiligimen jasalýda.