Aqtaýda turǵyn úılerdiń birinde balkonnyń qabyrǵasy opyrylyp tústi
ASTANA. QazAqparat - Aqtaýda 6 shaǵyn aýdanda 39 úıdiń jetinshi qabatynda balkonnyń qabyrǵasy opyrylyp tústi, dep habarlaıdy LADA qala ákimdiginiń Instagram-daǵy paraqshasyna silteme jasap.
Aqtaý qalasy ákiminiń tapsyrmasy boıynsha, 3 qarashada jaǵdaı baqylaýǵa alyndy. Qabyrǵa jóndeldi.
«Qazaqstan Respýblıkasynyń «Turǵyn úı qatynastary týraly» zańyna sáıkes, osy úıdiń kúrdeli jáne aǵymdaǵy jóndeý jumystaryn nysandy basqaratyn kompanııa júrgizýi tıis. Osy turǵyn úı «JEK- 6 Aqtaý» JShS basqarýynda. Seriktestik basshysy bul máseleni sheshe almaıtynyn málimdedi», - dep habarlady qala ákimdiginde.
Qala ákimdiginde jaýapkershilikten bas tartyp otyrǵan basshynyń jumysy turǵyndardyń kezekten tys jınalysynda qaralatyny atalyp ótildi.
