Aqtaýda turǵyn úıdiń joǵarǵy qabatynan taqtaı laqtyrǵan adamǵa aıyppul salyndy

AQTAÝ. QazAqparat – Aqtaýda 58 jastaǵy er adam turǵyn úıdiń joǵarǵy qabatynan taqtaı laqtyrǵan. Onyń bul áreketin kórgender tártip saqshylaryna shaǵymdanǵan, dep habarlaıdy QazAqparat tilshisi.

«Polıtsııa qyzmetkerleri 58 jastaǵy kúdiktini ustap, oǵan ákimshilik hattama toltyrdy. Sondaı-aq, oǵan 20 AEK mólsherinde aıyppul salynady», - dedi Mańǵystaý oblystyq Polıtsııa departamenti ishki jáne syrtqy kommýnıkatsııa bólimi bastyǵynyń m.a. Aıgerim Ibatýllaeva.

Oqıǵa qalanyń 11-shaǵyn aýdany 19-úıinde bolǵan. Aıta ketsek, buǵan deıin osy shaǵyn aýdandaǵy kópqabatty úılerdiń biriniń altynshy qabatynan 39 jastaǵy er adamnyń ústine dıvan qulaǵan edi.