Aqtaýda turǵyn úıdegi jarylys gaz-aýa qospasynyń shoǵyrlanýynan bolǵan ba
AQTAÝ. KAZINFORM – «QAZAQGAZ AIMAQ» Mańǵystaý óndiristik fılıaly qyzmetkerleriniń málimetinshe, Aqtaýdaǵy tótenshe oqıǵaǵa turmystyq gazdyń taralýy sebep bolýy múmkin.
Mekemeniń bas ınjeneri Álı ıÝsýpovtyń aıtýynsha, jarylys bolǵan turǵyn úıden 8 metr qashyqtyqta ortasha qysymdy gaz qubyry ótip jatyr. Ol arqyly tutynýshylarǵa turmystyq gaz berilip tur. Alaıda osy turǵyn úı kesheniniń janynda «QAZAQGAZ AIMAQ» AQ-nyń balansyndaǵy gaz qubyrlary joq.
- Qazir sarapshylar jarylystyń birneshe nusqasyn, sonyń ishinde turmystyq gazdyń taralýyn da qarastyryp jatyr. Osyǵan baılanysty biz naqtylaǵymyz keledi. Bul úıde gaz bar, qasbettik qubyrlar júrgizilgen. Sondaı-aq ortasha qysymdy jerasty gaz qubyry ótip jatyr. Biraq olar jeke zańdy tulǵanyń, qurylys kompanııasynyń nemese páter ıeleri kooperatıviniń balansynda bolýy múmkin, - deıdi Álı ıÝsýpov.
«Gaz jáne gazben jabdyqtaý týraly» Qazaqstan Respýblıkasynyń Zańyna sáıkes, gaz qubyryna jaýapty kompanııanyń osy jumystar men qyzmetterdi júzege asyratyn attestattalǵan kompanııalarmen, gaz tutyný júıeleri men gaz jabdyǵyna tehnıkalyq qyzmet kórsetýge arnalǵan sharttar bolýy tıis.
Buǵan deıin Aqtaýda turǵyn úıde jarylys bolyp, 5 adam zardap shekkeni týraly jazǵan bolatynbyz.