Aqtaýda turǵyn úı qurylysyna qarjy quıǵan 550 azamat baspanasyn ala almaǵan
AQTAÝ. KAZINFORM – «Interer Stroı Aqtaý» JShS-niń basshylary alaıaqtyq jasaǵany úshin sottalǵan. Bul týraly Mańǵystaý oblysy prokýratýrasynyń baspasóz qyzmeti habarlady.
— 2020-2023 jyldar aralyǵynda «Interer Stroı Aqtaý» JShS-i turǵyn úı qurylysynyń nysandary boıynsha salymshylarmen aldyn ala satyp alý-satý kelisim sharttaryn jasasyp, shamamen 5,5 mlrd teńge kóleminde qarajatty ıemdengen. Alaıda, turǵyn úı nysandary boıynsha qurylys aıaqtalmaı, salymshylarǵa ýáde etilgen baspanalar berilmegen, — delingen habarlamada.
«Interer Stroı Aqtaý» JShS-niń basshylary alaıaqtyq jasaǵany úshin sottalǵan.
— Prokýratýra organdary «AQ QALA 2024», «Sultan-Jeńis» jáne «Murager-Aktau» turǵyn úıleriniń salymshylarynyń múddesin qorǵaý maqsatynda páterlerdi aldyn ala satyp alý-satý kelisim sharttaryn buzý, «Interer Stroı Aktaý» JShS-niń qurylys nysandaryn turǵyn-úı qurylys kooperıvteriniń menshigine berý týraly sotqa talap aryz berdi. Aqtaý qalalyq № 2 sotynyń 2025 jylǵy 5 jáne 9 qyrkúıektegi sheshimi boıynsha prokýratýranyń talap aryzdary qanaǵattandyryldy, — delingen prokýratýra habarlamasynda.
Sot sheshimi salymshylarǵa memleket qoldaýymen qurylysty aıaqtap, bolashaqta baspanalaryna qol jetkizýge múmkindik beredi.
Osylaısha, prokýrorlar alaıaqtardan zardap shekken 550 salymshylardyń quqyǵyn qorǵady.
Aıta ketelik memleketten qalaı baspana alýǵa bolatyny týraly jazǵan edik.