Aqtaýda turatyn «býynsyz bala» bolashaqta kúıshi bolǵysy keledi
El ishinde qaıtalanbas, erekshe qabileti bar balanyń biri - Azamat Nurqoja. 13 jastaǵy ónerpazdy «plastılın-bala» dep te ataıdy. Azamat balqyǵan temirdeı kez-kelgen qalypqa ońaı túsip, túrli baǵytta búgile alady. Erekshe qabiletin baǵalaǵan rejısserler ony kınoǵa da shaqyrǵan.
13 jastaǵy Azamat Nurqoja Aqtaýdaǵy №8 mektepte oqıdy. Anasynyń aıtýynsha, balaqaıdyń ónerin úsh jasynda baıqaǵan. Osy jasynda búldirshin shpagatqa otyryp, bes jasynda aıaǵyn moınyna asyp qoıyp júripti.
«Túnde keıde buralyp uıyqtaı beredi. Alǵashynda úreılenip, keıin bul áreketterin vıdeoǵa túsirip, týystarǵa jiberetin boldyq. Biraz jarystarǵa da qatysyp, tanyla da bastady. Azamat eń alǵash 7 jasynda «Balanyń bári talanty» baǵdarlasyna qatysqany úshin «Mańǵystaý» telearnasynyń basshysynan alǵys hat alǵan bolatyn»- deıdi Azamattyń anasy Janna Baıbozova .
Azamat bolashaqta ataqty kúıshi bolýdy armandaıdy. Oǵan birneshe usynys túsken. Alaıda ol dombyra qulaǵynda oınap, joǵarǵy deńgeıdegi kúıshi bolǵysy keletindigin jetkizdi.
Ol 2018 jyly «Balapan» telearnasynda «Dara bala» telejobasynyń qatysýshysy; Respýblıkalyq «Qazaqstan talanttary» baıqaýynda dıplomant; Halyqaralyq «Bala shabyty» baıqaýynda II oryn; «Uly dala urpaǵymyz» jarysynda laýreat; «Tańǵy shuǵyla» baıqaýynda «býynsyz bala» nomınatsııasynyń I oryn ıegeri; Halyqaralyq «Zvezda ýdachı» dodasynyń I oryn júldegeri bolǵan.
