Aqtaýda túni boıy jaýǵan jaýynnan keıin qala kóshelerin sý basty

AQTAÝ. QazAqparat - Qala kóshelerinen 19 398 tekshe metr sý soryldy, dep habarlaıdy QazAqparat ákimdikke silteme jasap.

Aqtaý qalasynda keshe keshki 23:00 bastap, tańǵy 06:00 deıin nóser jaýyn jaýǵan.

Osyǵan baı̆lanysty «Qala joldary» JShS jumysshylary túngi kezekshilikte avtomobıl joldarynda jınalǵan sýdy sorýmen aınalysty.

Atap aıtqanda 1, 17, 16, 5, 7, 14, 34, 31 «b» shaǵynaýdandarda, Halyq arena, «Inara» turǵyn úı kesheni, «Astana» saýda úıi mańynda kommýnaldyq qyzmetkerler jańbyrdyń saldarymen kúresip jatyr.

Bul jumysqa 30 jumysshy, 6 motopompa, 2 kólik jumyldyryldy.

Sonymen qatar 13 shaǵynaýdan, 24 úıdiń aldynda avtokóliktiń ústine aǵash qulaǵan. Ony tótenshe jaǵdaılar basqarmasynyń qyzmetkerleri aldy.

Jaryqty qalpyna keltirý sharalary da jasalyp jatyr.

Foto: instagram.com/aktau_akimat