Aqtaýda tuńǵysh ret velosıpedterdi jalǵa berý júıesi iske qosyldy

Aqtaý qalasy «Aqtay bike» avtomattandyrylǵan velosıped jyljymaly júıesi iske qosylǵan eldegi tórtinshi qala boldy.

Aqtaý qalasynda 76 turaq orny men 38 velosıpedke arnalǵan 5 velosıped stantsııasy ornatyldy. Velosıpedterdi jalǵa alý úshin birinshi kezeńde 180 velosıpedke arnalǵan 25 velosıped stantsııasy ornatylady.

Kelesi kezeń - 820 velosıpedke arnalǵan 75 velosıped stantsııany ornatylady.  Jalpy  Aqtaý qalasynda 100 velosıpedti jalǵa berý stansasyn salý josparda bar.

«Velocity.kz» qoǵamdyq qorynyń dırektory Almagúl Qasymovanyń málimdeýinshe  bul júıe «jasyl» ekonomıkaǵa sáıkes kún energııasy boıynsha jumys isteıdi.

Sondaı-aq,  qala turǵyndary men qonaqtaryna velosportpen shuǵyldanýǵa qolaıly jaǵdaılar men bos ýaqytyn densaýlyǵy men qorshaǵan ortaǵa paıdasy tıerlikteı demalýǵa múmkindikter týǵyzady.

Oblys ákimi Eraly Toǵjanov qosymsha velosıped stantsııalarynyń ornalasqan jeri týraly, stantsııanyń astyndaǵy ýchaskelerdi jasaý jáne jol qaýipsizdiginiń talaptaryn eskere otyryp, qala boıynsha velosıped joldaryn qamtamasyz etýdi tapsyrdy.

Atalǵan áleýmettik jobany «Velocity.kz» qoǵamdyq qory júzege asyryp otyr. Velosıpedterdi paıdalaný úshin ártúrli toptarǵa arnalǵan qol jetimdi tarıfter qarastyrylǵan, sonymen qatar zeınetkerler men stýdentter úshin 50% jeńildik bar.

Aıta keteıik, velosıpedti jalǵa alý barysynda alǵashqy 30 mınýt tegin. Ary qaraı bekitilgen tarıfter boıynsha baǵamdaý iske qosylady. Máselen, 31-den 60 mınýtqa deıin - 100 teńge, 61-den 120 mınýtqa deıin 250 teńge, 121-den 180 mınýtqa deıin 500 teńge, 181-den ary qaraı ár saǵat (úsh saǵattan bastap) 1000 teńgeni quraıdy. Bul júıe álemniń 13 elinde, onyń ishinde Qazaqstanda da tabysty jumys jasaıdy.

№1 stantsııa - botanıkalyq baq

№2 stantsııa - Teńiz jaǵajaıy  (14 sh/a. I love Aktau)

3-shi stantsııa - Teńiz jaǵajaıy (15 sh/a. K7 toby)

№4 stansa - «Báıterek» saýda úıi

№5 stantsııa - Dostyq úıi (34 qabat).