Aqtaýda Tuńǵysh Prezıdenttiń qurmetine fleshmob ótti
Aktsııaǵa qatysýshy - jastar, muǵalimder, dárigerler, ÚEU, etnomádenı birlestikter, qurylys jáne munaı kompanııalarynyń ókilderi Qazaqstan Respýblıkasynyń Tuńǵysh Prezıdenti Nursultan Nazarbaevqa degen mahabbattary men rızashylyqtaryn bildirý úshin 15-shaǵynaýdannyń jaǵalaýyndaǵy amfıteatrǵa jınaldy.
Fleshmob barysynda jastar áripterden Elbasy, Mańǵystaý, Qazaqstan sózderin qurady. Keıin Tuńǵysh Prezıdentke qurmet retinde elimizdiń Kók baıraǵy joǵary kóterildi. Sonymen qatar, ondaǵan adam aýmaǵy 40 sharshy metrdi quraıtyn Memlekettik Týdy alyp júrip ótti.
Aqtaý turǵyndary Elbasyna degen qoldaýlary men rızashylyqtaryn bildirdi.
«Tuńǵysh Prezıdent tek bizdiń oblys úshin ǵana emes, búkil el úshin qolynan kelgenin aıamady. Al qazir shyn máninde uly dep ataýǵa bolatyn bilimdi ultqa aınaldyq. Sondaı-aq, bizdiń eldi onyń arqasynda uly dep ataýǵa bolady», - dedi fleshmobqa qatysýshy Artem Chıgın.
«Halqymyz beıbit elde ómir súrip jatqany úshin, jasaǵan bar jaqsylyqtary úshin Elbasyna alǵysymyzdy jetkizgimiz keledi. Qazir elimizdi álemdik arenada jaqsy tanıdy. Sondaı-aq jastar úshin kóp nárse jasady dep esepteımin. Bizde qazir oqyp, shet elde bilim alýǵa barlyq jaǵdaı jasalǵan», - deıdi Aqtaý qalasynyń turǵyny Álııa Sháripova.
